Ag tréimhsí éagsúla den bhliain seo caite bhí 10,000 duine i mBéal  Feirste amháin gan dídean ceart. De réir taighde atá déanta ag Street Count, bíonn thart ar 16 dhuine ag codladh amuigh ar an tsráid i mBeál Feirste gach oíche agus suas le 128 i mBaile Átha Cliath.

Mar chuid den fhéile imeall-chultúir Liú Lúnasa i mbliana, eagraíodh imeacht ar leith i bhfoirgneamh Raidió Fáilte i mBéal Feirste a chaith spotsolas ar an fhadhb mhór agus ar na cúiseanna taobh thiar di.