Ón lá a bunaíodh Turas, in 2012, tá an eagraíocht Ghaeilge in Oirthear Bhéal Feirste ag dul ó neart go neart, ag nascadh an chultúir Ghaelaigh agus na hoibre pobail chun daoine nua a mhealladh i dtreo na teanga, daoine nach mbeadh an oiread sin teagmhála acu leis an Ghaeilge roimhe sin.
An chéim is úire atá tógtha ag Linda Ervine agus na hoibrithe eile ná leabharlann Ghaeilge a bhunú san Ionad Skainos ar Bhóthar Bhaile Nua na hArda. Faoi lathair tá níos mó ná 2,000 leabhar ar na seilfeanna agus spás le chóir a bheith 2,000 leabhar eile.
Amharc ar an fhíseán
