Bua an Cheoil

Buaileann Meon Eile le ceoltóirí ildánacha ó fud fad Chúige Uladh a bhfuil stíleanna éagsúla ceoil á gcleachtadh acu agus faigheann muid amach cad é a spreagann iad.

Bua an Cheoil - Emma Ní Fhíoruisce

Sraitheanna

Inniu ar Meon Eile táimid ag leanúint leis an tsraith Bua an Cheoil, le físeán ón cheoltóir óg de bhunadh Ghaoth Dobhair, Emma Ní Fhíoruisce. Ceoltóir ildánach í Emma agus go leor uirlisí ceoil aici, gan trácht ar an ghlór binn galánta atá aici. Labhair muid le Emma faoina ceol agus faoi cad atá amach anseo di mar cheoltóir. Amharc ar an fhíseán

Bua an Cheoil - Jack Mac Giolla Mhearnóg

Sraitheanna

Inniu ar *Meon Eile* táimid ag leanúint leis an tsraith _Bua an Cheoil_, le físeán ón cheoltóir óg de bhunadh Mhachaire Rátha, Jack Mac Giolla Mhearnóg. Ceoltóir ildánach is ea Jack, a chuireann a lámh ar an ghiotár, piano agus bainseo le tionlacan a thabhairt dá ghlór binn, a shaothraigh an chéad duais sa rannóg amhránaíochta i gcomórtas _An Ré Nua_ dó cúpla bliain ó shin. Glacann Jack páirt i gcomórtais eile ar nós Scór, Fleadh Cheoil na hÉireann agus Siansa Gael Linn, agus tá sé mar bhall den ghrúpa _Cóiriú_ chomh maith. Labhair muid le Jack faoina cheol agus thug sé leagan álainn de _An Cailín Deas Óg_, amhrán atá bainteach go mór le Mairéad Ní Mhaonaigh agus _Altan_.

Bua an Cheoil - Bernadette Morris

Sraitheanna

Is as Contae Thír Eoghain ó dhúchas do Bernadette Morris. Chuir Bernadette spéis sa cheol agus í an-óg. Thosaigh Bernadette ag canadh agus ag seinm ar an fhidil nuair a bhí sí seacht mbliana d’aois agus chuaigh sí ar aghaidh chun páirt a glacadh i Scór agus Féiseanna timpeall na tíre ar feadh 10 mbliana ina dhiaidh sin. Tá suim ollmhór ag Bernadette i gceol traidisiúnta agus i gceol tíre agus tá leaganacha nua-aimseartha de na réimsí seo le cloisteáil ina cuid ceoil. Tá cur i láthair beo bríomhar aici agus í ar stáitse agus bíonn sí le feiceáil ag canadh agus ag ceol timpeall na tíre ag gigeanna agus féilte éagsúla.

Bua an Cheoil - JJ Ó Dochartaigh

Sraitheanna

Is as cathair Dhoire do JJ Ó Dochartaigh, fear atá tar éis clú mór a bhaint amach le tamall anuas mar gheall ar a chuid ceoil. Bhí spéis mhór aige ann ó bhí sé an-óg agus d'fhoghlaim sé amhráin Ghaeilge sular fhoghlaim sé aon cheann i mBéarla. Tá éileamh mór ar na haistriúcháin a dhéanann JJ ar amhráin cháiliúla Bhéarla agus na mílte cnag faighte acu ar Youtube. Chomh maith leis an aistriúchán bíonn JJ ag cumadh a chuid ceoil féin, amhráin nua-aimseartha lán spraoi a chuidíonn go mór le daoine óga a spreagadh i dtreo an cheoil agus na teanga.

Bua an Cheoil - Gráinne Holland

Sraitheanna

Is as iarthar Bhéal Feirste ó dhúchas do Ghráinne Holland agus tá sí ar dhuine de na hamhránaithe is úire agus is nuálaí atá i ndiaidh teacht chun cinn i saol an cheoil Ghaelaigh. Tá guth láidir álainn aici agus is ceannródaí í atá ag cur na hamhránaíochta Gaeilge os comhair lucht féachana nua an t-am ar fad. Bhí suim mhór ag Gráinne sa cheol ó aois an-óg. Tógadh le Gaeilge agus Béarla í agus d’fhreastail sí ar an chéad Ghaelscoil i mBéal Feirste, Bunscoil Phobail Feirste, áit ar cothaíodh grá inti do na hamhráin thraidisiúnta Ghaeilge.

Sraitheanna