Is ar IMLÉ a bhfuil muid ag díriú san eagrán seo dár sraith faoi ainmnithe Ghradaim NÓS 2026. Bhuail Meon Eile isteach ar a ngig in Whelan’s i mBaile Átha Cliath oíche Mháirt agus iad ag tacú le David Keenan.
Tá IMLÉ ar an fhód le blianta anuas mar bhailiúchán ar féidir le ceoltóirí éagsúla teacht isteach is amach as agus tá ainmniúcháin faighte acu i gceithre rannóg ag Gradaim NÓS i mbliana: Amhrán na Bliana as a n-amhrán ‘Sláinte’, Albam na Bliana (Nuacheol) as a n-albam ‘Taoille’, Físeán na Bliana as an fhíseán dá n-amhrán ‘Mise’, agus Banna na Bliana.
Labhair Meon Eile le bunaitheoir IMLÉ, Cian Mac Cárthaigh, agus le James Shannon, atá ina bhall le trí bliana anuas, faoi aistear ceoil an ghrúpa, na rudaí a bhfuil siad bródúil astu, agus na pleananna atá acu amach anseo.
Beidh Gradaim NÓS 2026 ar siúl ar an 16 Bealtaine sa Black Box, Béal Feirste.
