Is ionad pobail é Ionad Uíbh Eachach atá suite i gceantar na bhFál i mBéal Feirste. Achan mhaidin Dé Céadaoin idir Meán Fómhair agus Meitheamh, cuirtear ‘Comhrá, Caife agus Cuideachta’ ar siúl ann. Ciorcal comhrá atá ann a fhreastalaíonn ar dhaoine a bhfuil Gaeilge acu ag an bhunleibhéal agus ag an mheánleibhéal.
An tseachtain seo, thug an grúpa cuairt ar oifigí Chonradh na Gaeilge i mBéal Feirste le níos mó a fháil amach faoi ghluaiseacht na Gaeilge sa chathair. Rinne Cuisle Nic Liam ón Chonradh cur i láthair don rang faoin ghníomhaíochas teanga sa cheantar agus thóg siad stór focal leo lena úsáid ina ngnáthshaol.
Labhair Meon Eile le Cuisle faoin tábhacht a bhaineann le daoine atá ag foghlaim na teanga a ghlacadh amach as an seomra ranga agus iad a chur i gcomhthéacseanna eile ina labhraítear an Ghaeilge ó lá go lá.
Bhí seans againn fosta labhairt le Gerry Mac Liam atá i mbun an chiorcail comhrá faoin atmaisféar dearfach sa rang agus an mhuinín a thugann sé do na foghlaimeoirí bogadh chun cinn lena gcuid foghlama.