San oíche anocht i mBaile Átha Cliath déanfaidh an t-amhránaí, Marcus Mac Conghail agus na Pogoes amhráin chlúiteacha Shane McGowan a sheinm ag ceolchoirm IMRAM.
Tá aistriúchán déanta ag na filí iomráiteacha Gabriel Rosenstock agus Liam Ó Muirthile ar liricí na n-amhrán, macasamhail A Fairytale of New York, Dirty Old Town, agus A Pair of Brown Eyes.
Is banna punc-Cheilteach iad na Pogues a bunaíodh i Londain in 1982 faoi stiúir Shane Mc Gowan. Shaothraigh an banna clú idirnáisiúnta le himeacht na mblianta.
Le roinnt blianta ag Féile IMRAM déantar amhráin chlúiteacha Bhéarla a aistriú agus a chur ar ardán i nGaeilge mar chuid den tionscadal.
Chaith Meon Eile oíche i gcuideachta le Marcus Mac Conghail agus na Pogues agus iad i mbun cleachtaithe i Lios na gCearrbhach agus labhair muid leo faoin saothar mór…
Beidh an cheolchoirm ar siúil anocht ag 8.30in sa Grand Social ag 35 Sráid na Life Íochtarach.