Teicneolaíocht

Cé acu is fearr - súgradh taobh istigh nó súgradh taobh amuigh? An fearr rith sa choill nó leibhéal úr a bhaint amach ar chluiche ríomhaire? An tairbhí cluiche a imirt sa pháirc nó a bheith ar Facebook? Sin an t-ábhar mór spairne atá idir Kirsten agus Emmet as Dún Pádraig san agallamh seo ó pheann an scríbhneora, Séamas Mac Annaidh.

Céad slán le LOL agus céad fáilte roimh an emoji! Cloiseann muid go leor cainte i measc an aosa óig faoin emoji sa lá atá inniu ann. Daoibh súid nach bhfuil a fhios agaibh cad is emoji ann, is iad na híocóin nó na pictúirí atá le fáil ar leithéid Facebook agus ar do ghlicghuthán. Úsáideann tú iad le cur síos a dhéanamh ar mhothúcháin, in áit an focal féin a scríobh. Ach tá deagóirí anois ábalta comhrá iomlán a dhéanamh leis na straoiseoga seo amháin, gan focal ar bith a úsáid! Bhí físéan ceoil ag Katy Perry le déanaí inar úsáid sí emoji le cur síos a dhéanmh ar a hamhrán. Agus tá daoine fasta ag dul i ngleic leis an nós úr seo chomh maith - má tá sé maith go leor do Katy Perry, tá sé maith go leor dúinne! Chuaigh Meon Eile le labhairt le beirt i gCo Dhún an nGall le níos mó a fháil amach faoi na hemojis!

Inniu ar Meon Eile cuireann muid críoch leis an tsraith bunaithe ar ghnónna le Gaeilge le físeán faoi _DSNT_ agus _Guerilla Shout_, comhlachtaí a dhéanann dearadh grafach agus ealaín dhigiteach. Tá na healaíona digiteacha anois mar chuid lárnach den saol, iad le feiceáil i ngach áit idir fhéilte, ócáidí corparáideacha, fhógraí agus go háirithe ar líne. Is i lár na hearnála seo atá _DSNT_ agus _Guerilla Shout_ sáite, iad ag baint úsáide as teilgeoirí digiteacha chun píosaí d'ealaín suiteála a chruthú, agus iad bainteach go mór le bainistiú lipéad ceoil agus cóisireacha a eagrú, mar aon le cúrsaí scannán, amharclanna agus físe. Chas *Meon Eile* le hOisín Ó Briain, duine de stiúrthóirí an dá chomhlachta, leis na gnónna agus na seirbhísí a chuireann siad ar fáil a phlé.

9 as 10 atá buartha faoina sábháilteacht ar líne, de réir suirbhé bliantúil ó innéacs mhuinín na dtomhaltóirí. Thaispeáin tuairisc.ie le déanaí go raibh físeáin le hainmneacha Gaeilge á n-úsáid le pornagrafaíocht a fhoilsiú ar Youtube Sna sála air seo, d’fhoilsigh nos.ie scéal faoin bhlag ‘cuplafocal.ie’ a shílfeá go mbeadh dírithe ar fhoghlaimeoirí Gaeilge ach a fhoilsíonn scéalta gáirsiúla faoin ghnéas. Cinnte, tá buntáistí móra leis an domhan digiteach ach ní ionann smacht an tuismitheora ann agus an smacht sa ghnáthshaol, mar a chloisfear san fhíseán thíos. Labhair muid le máthair clainne agus an léiritheoir teilifíse, Fiona Keane, chomh maith leis an saineolaí teicneolaíochta agus múinteoir, Daithí Ó Muirí, faoi na dúsláin a bhaineann leis an saol reatha digiteach...

Tá aip dhátheangach thurasóireachta deartha ag grúpa déagóirí i gcontae Ard Mhacha don láthair oidhreachta, Eamhain Mhacha. Díríonn aip na ndéagóirí ar eachtraí Chú Chulainn sa cheantar. Tuigtear gur ón cheantar a d’eascair béaloideas na Ruaraíochta. Bronn banc HSBC maoiniú ar Cairde Teo le hoiliúnt fhiontraíochta a sholáthar i gcathair Ard Mhacha agus chuir an Roinn Oidhreachta agus an Crannchur Náisiúnta airgead breise ar fáil le tionscnaimh thuarasóireachta a mhaoiniú. Thug Meon Eile cuairt ar na fiontraithe óga agus iad i mbun oibre.

Tá Gaelscoil na bhFál lonnaithe i gcroílár na Ceathrún Gaeltachta in iarthar Bhéal Feirste. I mbliana tá na páistí, na múinteoirí agus na tuismitheoirí ag ceiluradh cúig bliana is fiche ó bunaíodh an scoil. Bíonn lá oscailte ag Gaelscoil na bhFál gach bliain ach i mbliana bhí lá faoi leith i gceist mar gheall go raibh an scoil ag ceiliúradh 25 bliain ar an bhfód. Bhí deis ag na tuismitheoirí teacht isteach agus breathnú ar an obair ar fad a bhí déanta ag na páistí i rith na bliana. Bhí taispeántas ‘zú beag’, insint scéaltaí, péinteáil aghaidhe agus neart eile ann mar chuid den cheiliúradh.

Tá fiontraíocht idirlín faoi bhláth i mbaile beag in iarthar Thír Eoghain. Is i Muileann an tSiáin a cuireadh tús le www.easyirish.com, suíomh dírithe ar fhoghlaimeoirí nach bhfuil an muinín acu freastal ar ranganna. Tá an suíomh á reachtáil ag Pobal Mhuileann an tSiáin, eagras teanga an cheantair. Tá foirgneamh ceannaithe acu sa bhaile le Cultúrlann a thógáil, beart a bhfuil súil acu á bhaint amach faoi cheann trí bliana. Thug Meon Eile cuairt orthu lena ngnó teanga agus lena bplean tógála a fhiosrú...

Bhailigh go leor giolcairí le chéile don chéad ‘Tweet Up’ riamh as Gaeilge sa Culture Box i mBarra an Teampaill, Baile Átha Cliath, le déanaí. D’eagraigh Gaelport an ócáid nuálach seo agus d’éirigh go han-mhaith leis an oíche. Bhí *Sarah de Búrca* i láthair chun fáil amach céard go díreach atá i gceist le ‘Tweet Up.’

Tá bás an nuachtáin ar pháipéar á thuar le fada, ach go háirithe le teacht an idirlín agus le forbairt na teicneolaíochta a ligeann dúinn ár gcuid nuachta a aimsiú láithreach bonn cibé áit ina bhfuil muid. Dar le Gearóid Ó Cairealláin go bhfuil áibhéil déanta ar na tuairiscí báis seo agus go bhfuil beocht fágtha sa mheán cumarsáide seo go fóill...

Is i bhfad ó leithéidí Facebook a cuireadh tús le margaíocht na leabhar Gaeilge ach tá an t-ardán úr seo ag mealladh ceannaitheoirí agus léitheoirí ón Astráil go Meiriceá. Labhair muid le Daragh Ó Tuama ón Siopa Leabhar i mBaile Átha Cliath faoi athruithe na hearnála idir chúrsaí léitheoireachta, foilsitheoireachta agus margaíochta...