Inis seo dom!

Is láithreoir aimsire agus leanúnachais le TG4 í Sláine Ní Chathalláin as Corca Dhuibhe i gContae Chiarraí. Tá aithne ar Shláine toisc a ceoil ar an sean-nós agus a dúil in aisteoireacht na Gaeilge. Labhair Meon Eile le Sláine faoina spéiseanna, faoina nósanna agus faoi chuimhní a hóige.

Is é Rossa Ó Snodaigh, ceoltóir leis an ghrúpa ceoil Kíla, atá i mbun cainte ar Inis Seo Dom! inniu. Le scór bliain anuas, sheinn Kíla ag féilte ceoil ar fud na cruinne, ina measc; Glastonbury, Witness, Féile Snagcheoil Montreaux agus Womadelaide san Astráil. Tá cáil ar Rossa mar amhranaí, cumadóir, scríbhneoir, aisteoir agus mar ghníomhaí teanga. Bíonn raon uirlísí éagsúla á sheinm aige; an fheadóg stáin, an fheadóg íseal, an chláirnéid, an basúcaí, na cnámha agus na spúnóga. Labhair Meon Eile le Rossa faoina spéiseanna, faoina nósanna agus faoi chuimhní a óige.

Inniu ar Meon Eile tá tús á chur le sraith nua darb ainm ‘Inis seo dom’. Gach Déardaoin as seo go ceann míosa, beidh daoine mór le rá i saol na Gaeilge i mbun cainte faoina spéiseanna, faoina gcaitheamh aimsire agus faoi laethanta a n-óige. Is í Máire Treasa Ní Dhubhghaill, láithreoir Ponc agus Rugbaí Beo ar TG4, atá faoi agallamh inniu.