Go díreach 100 bliain ó cuireadh tús le hÉirí Amach na Casca 1916 tháinig na mílte le chéile i mBaile Átha Cliath le comóradh a dhéanamh ar na fír agus na mná a throid ar son shaoirse na hÉireann.
Bhí an ócáid Dé Domhnaigh i lár na cathrach eagraithe ag Reclaim 1916 agus Sinn Féin agus bhí éagsúlacht mhór ann i measc na ndaoine ar fad a ghlac páirt sa cheiliúradh.
Shiúil na mílte ó Chearnóg Mhuirfean go hArd Oifig an Phoist, áit a raibh filíocht, ceol agus scéalaíocht le cluistin ón ardán. Léadh Forógra na Casca amach os ard agus rinneadh cúirtéis ghunna (bréige) in ómós do na laochra a cuireadh chun báis.
Bhí breis agus 40 buíon cheoil ó cheann ceann na tíre agus níos faide i gcéin arís i measc mílte a ghlac páirt sa mhórshiúl.
Bhí ‘Romania in Ireland’; ‘Ireland Palestine Solidarity’ agus ‘Shannon Watch’ i measc na ngrúpaí a bhí ag siúl ar an lá.
Seo blaiseadh den cheiliúradh…