Tá plé á dhéanamh ar Acht Gaeilge ó thuaidh le fada an lá.
An tagairt oifigiúil is déanaí ná an cháipéis ‘Ré nua agus cur chuige nua’ a fógraíodh ag tús na bliana seo caite agus inar gealladh reachtaíocht teanga don Ghaeilge. Níor tháinig aon toradh air sin go fóill áfach agus tá baol ann anois nach gcuirfear an reachtaíocht i bhfeidhm go deo.
Dúirt an DUP le déanaí go raibh sé mar rún acu dul siar ar an mhéid a bhí beartaithe sa mhargadh mar nach bhfuil siad sásta le Prótacal an tuaiscirt a aontaíodh mar chuid de Brexit.
Labhair Meon Eile le Conchúr Ó Muadaigh agus Pádraig Ó Tiarnaigh, atá beirt ag obair le Conradh na Gaeilge, faoin mhoill leis an reachtaíocht seo agus faoi na pleananna atá ag an Dream Dearg muna gcuirfear i bhfeidhm í.