Bhí Cultúrlann McAdam Ó Fiaich plódaithe an tseachtain seo caite agus slua mór i láthair ag an Slam Filíochta, comórtas a bhíonn ar siúl mar chuid den fhéile Liú Lúnasa gach bliain agus a mheallann iontrálaithe ó gach cearn den tír.
Sna hocht mbliana ó bunaíodh an comórtas tá clú nach beag air agus ardchaighdeán filíochta agus cuir i láthair acu siúd a ghlacann páirt ann.
Bhí rogha dhoiligh le déanamh arís eile i mbliana ag an triúr moltóirí - Miléne Fegan, Seán Ó Muireagáin agus Máire Zepf - ach sa deireadh is í Ciara Ní É as Baile Átha Cliath a fuair an chéad áit agus an phríomhdhuais £500.
Chuaigh £300 go Cúán de Búrca don dara háit agus tháinig Colm Mac Gearailt sa tríú háit, rud a ghnóthaigh £120 dó.
Ba iad Raidió Fáilte, An Lon Dubh, Stiúideo Feirste agus BLOC TG4 a bhronn na duaiseanna airgid ar an chomórtas.
Thug Meon Eile cuairt ar an Slam agus labhair muid le triúr de na hiontrálaithe: Ciara Ní É, Cúán de Búrca, agus Gráinne Ketelaar, a fuair tagairt ar leith dá dán le linn óráidí na moltóirí.
Is cinnte go bhfillfidh an Slam Filíochta an bhliain seo chugainn mar sin coinnigh súil amach dó in 2025!