Tá na sluaite ag bailiú in Inis an Chláir le haghaidh Fhleadh Cheoil na hÉireann 2016!
Chuir Uachtarán na hÉireann Mícheál D. Ó hUiginn tús oifigiúil le féile na bliana seo, agus na mílte i láthair le fáilte a chur roimhe agus roimh a bhean chéile Sabina.
Tionóladh Fleadh Cheoil na hÉireann in Inis dhá uair roimhe seo, in 1956 agus arís in 1977.
Os cionn 400,000 duine a fhillfidh ar shráideanna an bhaile don Fhleadh an tseachtain seo agus meastar gur fiú €38 milliún é don gheilleagar áitiúil.
I mbliana beidh suas le 6,000 iomaitheoir ag seinm, ag canadh nó ag damhsa chun Craobh na hÉireann a bhuachan, i 180 comórtas éagsúla ag an fhéile chlúiteach.
Bhí ár bhfísiriseoir Seán Ó Baoill in Inis chun an ceol, an damhsa agus an t-atmaisféar ar fad a bhlaiseadh…
I measc an cheiliúrtha i mbliana ceapadh an ceoltóir mór traidisiúnta Micheál Ó hAlmhain mar Ard-Ollamh Fhleadh Cheoil na hÉireann 2016.
Dóibh súid nach dtig leo a bheith i láthair i mbliana, craoltar FleadhTV beo ón bhFleadh ar TG4 gach oíche ag 8.30-11.30in go dtí an Domhnach. Lynette Fay, Cathy Jordan, Mairéad Ni Chuaig agus Tóla Custy a bheas á chur i láthair.