Cuireadh tús le sraith ceardlann ar an dioscmharcaíocht, atá á héascú ag Cairbre Ó Cairealláin, in Áras Raidió Fáilte Dé Sathairn seo caite.
Bhí ceardlann eile ar siúl Dé Domhnaigh agus beidh an dá cheardlann dheireanacha ag titim amach an deireadh seachtaine seo. Is é sprioc na gceardlann ná go mbeidh an ábaltacht agus an mhuinín ag na foghlaimeoirí a seiteanna féin a sheinm do shlua cairde le linn oíche cheiliúrtha ag deireadh an chúrsa.
Labhair Meon Eile le Cairbre, atá ina dhioscmharcach le roinnt blianta agus an t-ainm stáitse ‘Signor Bari’ air, faoin chúrsa agus faoin tairbhe a bhaineann sé féin as bheith ina DJ. Labhair Pól Ó Néill, Oifigeach Traenála Raidió Fáilte, faoin spreagadh taobh thiar den tsraith ceardlann seo, agus bhí aiseolas dearfach le roinnt ag April Ní Ír, atá cláraithe mar fhoghlaimeoir.
