Bhailigh páistí agus múinteoirí bunscoile le chéile i gCultúrlann McAdam Ó Fiaich i mBéal Feirste ar na mallaibh chun tús a chur le ceiliúradh na Nollag. Geamaireacht darb ainm ‘Babóg na Nollag’ a bhí ar siúl, dráma a bhaineann le déantóir bréagán sa Phol Thuaidh.
Is é Aisling Ghéar, compántas amharclainne Gaeilge lonnaithe i mBéal Feirste, a bhí i mbun na geamaireachta mar chuid de Fleadh Feirste. Labhair Meon Eile le Bríd Ó Gallchóir, a bhí mar stiúrthóir agus aisteoir sa seó, a d’inis dúinn faoin atmaisféar ar an lá agus an tábhacht le scéalaíocht fhisiciúil agus iad ag aisteoireacht os comhair páistí beaga.
Labhair muid fosta le Dónall Mac Giolla Chóill, a scríobh an gheamaireacht agus a bhí ag aisteoireacht ann, faoin dóigh ar tháinig an smaoineadh chuige.
Thig leat níos mó a fháil amach faoi na seónna eile agus Fleadh Feirste anseo.