D'eagraigh Glór na Móna ócáid le déanaí mar chuid d'Fhéile na gCloigíní Gorma, áit ar thug siad cuireadh do David Keohan. Is stairí ar thraidisiún na tógála cloch é David agus thug siad chuig an Sliabh Dubh é, áit a ndearna sé cloch a thógáil. Tar éis a n-aistir, d'fhill siad ar Ionad Mhic Goill le hagallamh a dhéanamh le Ciarán Mac Ghiolla Bhéin os comhair lucht féachana.
Tá David ag déanamh taighde ar na bolláin mhóra seo agus ag taisteal fud na tíre á gcuardach agus á dtógáil. Thóg na daoine is láidre sna sráidbhailte na carraigeacha seo in Éirinn ársa mar chaitheamh aimsire. Dhéanfaí ceiliúradh ar na daoine seo agus scéalta á n-insint fúthu ar feadh na mblianta. Tar éis an ghorta mhóir nuair abhásaigh na milliúin Éireannach agus nuair a d’imigh milliún eile ar imirce, cailleadh go leor de na scéalta agus de na traidisiúin seo. Anois tá David ar thuras chun iad a thabhairt ar ais don phobal.
Thug Meon Eile cuairt ar an ócáid agus labhair muid le David agus Ciarán a bhí ar aon intinn gur bealach iontach é na traidisiúin ársa seo chun foghlaim fúthu féin mar Éireannaigh.
Tá tuilleadh eolais ar David agus an taighde a dhéanann sé ar fáil anseo.