Deich mbliana atá imithe thart ó d’éag Cormac Mac an Ailín, an tIar-Chaptaen ar fhoireann peile Thír Eoghain.
Thug fear na hEaglaise leis gach mórghradam dá raibh ann sa Chumann Luthchleas Gael sula bhuail an bás leis go tobann gan é ach ceithre bliana is fiche d’aois.
Ainmníodh Corn na gCluichí Comhrialacha ina ómós in 2004 agus an bhliain dár gcionn bunaíodh Cumann CLG Cormac McAnallen i Sydney na hAstráile.
Tá lorg an fhir le sonrú fós i gcumainn CLG mórthimpeall Chúige Uladh agus níos faide i gcéin.
Chuir a dheartháir Dónall tús le hIontaobhas Chormaic agus go gairid ina dhiaidh sin bunaíodh Campa Chormaic.
Tá na campaí á réachtáil i gceithre chontae éagsúla i gCúige Uladh agus díríonn siad ar scileanna peile agus iomána, mar aon leis an Ghaeilge.
Seo chugaibh léargas ar Champa na bliana seo ó Chaisleán Uidhlin, Contae an Dúin.