Tús maith leath na hoibre a bhí ann, dar le Seán Mac an Fhailí ó CLG Gaeil Cholainn, nuair a bhailigh baill den fhoireann agus Cumann Ceoil na Fuiseoge le chéile sa teach tábhairne Beckett’s ar na mallaibh don chéad Tob-Ghaeltacht agus oíche chultúir a bhí ag an chlub riamh.
Réachtálaíodh an oíche seo idir Gaeil Cholainn agus Cumann Ceoil na Fuiseoige chun an cultúr Gaelach a spreagadh agus a fhorbairt i gceantar Cholainn atá lonnaithe ar imeall iarthar Bhéal Feirste.
Labhair Meon Eile le Seán Mac an Fhailí, ball d’Fho-choiste an chumainn, ar an oíche faoin dóigh ar eascair an smaoineamh seo, agus an sprioc atá acu chun an ceol traidisiúnta, an Ghaeilge agus na cluichí Gaelacha a tharraingt le chéile.
Tar éis oíche rathúil, tá Seán ag dúil go mór le tuilleadh imeachtaí den chineál seo a eagrú as seo amach. Coinnigh súil ar mheáin shóisialta CLG Gael Cholainn chun níos mó eolais a fháil!
