Is féidir le tuismitheoirí a bpáistí a chlárú le naíscoileanna Gaeilge ó thuaidh go dtí an Aoine bheag seo.
Labhair Meon Eile le Conor Stiobhard, Oifigeach Forbartha le Comhairle na Gaelscolaíochta, faoin phróiseas cláraithe, cuir i gcás scoileanna a roghnú agus a chur in ord tosaíochta.
Tá fás 68% ar an Ghaeloideachas sna sé chontae ó bhí 2012 ann agus eolas níos forléithne anois ag tuismitheoirí ar na buntáistí a bhaineann leis an dátheangachas sna luathbhlianta agus ar an tionchar a bhíonn aige sin orthu níos faide anonn sa saol.
Bunaíodh Comhairle na Gaelscolaíochta sa bhliain 2000 le hionadaíocht a dhéanamh ar an Ghaelsolaíocht ó thuaidh agus le tuismitheoirí a spreagadh lena bpáistí a chur ar Ghaelscoileanna.
Tá tuilleadh eolais faoin phróiseas cláraithe, a bheidh ar oscailt go dtí an 28 Eanáir, le fail anseo: