Chruinnigh slua le chéile i gCultúrlann McAdam Ó Fiaich Dé Sathairn agus an leabhar ‘Tír Bheag’, aistrithe ón Fhraincis go Gaeilge ag Antain Mac Lochlainn, á sheoladh ann.
Is í an Dr. Caoimhe Nic Lochlainn a sheol an leabhar, ar foilsíodh an bunleagan Fraincise de, ‘Petit Pays’ le Gaël Faye, in 2016.
Is úrscéal é faoi bhuachaill óg, Gaby, atá ag fás aníos sa Bhurúin agus an teannas ag cur thar maoil idir grúpaí de chuid na Hútúch agus na dTútsaithe. Mar pháiste soineanta, ní thuigeann Gaby, ar Tútsaí í a mháthair, a bhfuil ag dul ar aghaidh timpeall air go dtí go dtosaíonn an cogadh cathartha i Ruanda agus go leathnaíonn an foréigean amach go dtí an Bhurúin. Pléann an t-úrscéal le bás na soineantachta i rith coimhlinte agus cinedhíothaithe.
Labhair Meon Eile le hAntain faoi ‘Tír Bheag’ agus faoin phróiseas aistriúcháin. Chomh maith leis sin, labhair muid le Tadhg Mac Dhonnagáin agus le Sinéad Ní Scolaí ó Barzaz, a d’fhoilsigh an leagan Gaeilge den úrscéal.