Cuireadh tús le Seachtain na Gaeilge an tseachtain seo agus formhór na n-imeachtaí ar líne i mbliana. Tá clár den scoth curtha le chéile ag Cumann Gaelach Coláiste Mhig Aoidh i nDoire le pobal Gaeilge na hollscoile a tharraingt le chéile go fíorúil.
Tá Conor Torbóid ina chathaoirleach ar an Chumann i mbliana agus tá sé sa bhliain dheireanach den ollscoil fosta. Tá Dónall Ó hÉigeartaigh agus Ciarán Withers sa dara bliain agus labhair an triúr acu le Meon Eile faoi imeachtaí Sheachtain na Gaeilge agus na deachrachtaí a bhí ag mic agus iníonacha léinn agus iad ag déanamh staidir sa bhaile le bliain anuas.