Bunaíodh Féile Scannán na hÉireann / Mheiriceá Laidinigh i 2000, agus tá sé ag dul ó neart go neart ó shin, ag clúdach ábhar éagsúil i mionteangacha agus á reachtáil trí mheáin na Gaeilge.
Bhuail Meon Eile le Tadhg Ó Cruadhlaoich chun a fháil amach faoi chúlra na féile, na príomhspriocanna agus aidhmeanna atá acu, agus neart eile ina measc…
Seo chugaibh an blaisín do Palestine in the South, a bheas le feiceáil in An Droichead anocht, maraon le A Mexican Sound, Bonita – Ugly Bananas, agus rogha de Latin Shorts…
I mbliana, tá béim ar stiúrthóir faoi leith, Muireann de Barra. Dar le Tadhg, “ba í an spreagadh don chéad fhéile”, nuair a rinne sí gearrscannán, Muralistas, agus nuair nach raibh áit ar bith aici é a thaispeáint.
Tá clár faisnéise ó Mhuireann darb ainm Water Rising le feiceáil san fhéile i mbliana, clár a craoladh don chéad uair ar TG4 an mhí seo caite. Seo chugaibh an blaisín do…
Beidh an fhéile ag ceiliúradh 15 bliain ar an bhfód an bhliain seo chugainn, agus tá sé ar intinn ag Tadhg clár speisialta a chur le chéile, le roinnt scannán a phléann an ceol i Meiriceá Laidineach chomh maith.