Cuireadh tús le SiúlScéalaí an tseachtain seo, cumann siúlóide nua de chuid an Chumainn Ghaelaigh in Ollscoil na Ríona, Béal Feirste.
Tá an t-imeacht seo mar pháirt de chlár nua atá ag an Chumann i mbliana. De réir Anna Nic Gafraidh, Uachtarán an Chumann Gaelaigh, agus April Ní Ír, atá ina Leas-Uachtarán, tá siad ag iarraidh níos mó imeachtaí a reáchtáil le linn an lae, gan chostas agus gan alcól. Dar liom go gcuirfidh sé seo deiseanna níos fearr ar fáil dóibh siúd nach mbíonn ag ól nó atá buartha faoi chostas na n-imeachtaí eile.
Buaileann an cumann siúlóide le chéile achan mhaidin Dé Máirt ar 10r.n. ag Aontas na Mac Léinn agus tá fáilte roimh chách!