Tagann méadú suntasach ar thimpistí bóthair le linn an gheimhridh, mar gheall ar an drochaimsir agus ar an dorchadas, agus is minic gurb iad na comhraiceoirí dóiteáin an chéad ghrúpa a thagann ar na timpistí.
Thug Meon Eile cuairt ar stáisiún dóiteáin an Bhaile Mheánaigh, Contae Aontroma, le comhrá a bheith againn leis an chomhraiceoir dóiteáin, Seainin McCann, faoi na contúirtí a bhaineann leis an tiomáint ag an am seo den bhliain agus faoin chomhairle a bhíonn ag an tseirbhís dóiteáin dúinn maidir le bheith sábháilte agus muid ag tiomáint.