Bunaíodh Cumann Iascaireachta Loch an Iúir sa bhliain 1942.
Tá cumann láidir ar an bhaile go fóill a ritheann comórtais go rialta le linn an tséasúir.
Is loch mhór thorthúil í Loch an Iúir atá 4km ar fhad. Tá neart bradán, breac donn agus breac geal le fáil inti, rud a mheallann na céadta iascaire chuig an loch gach bliain.
Tá cearta iascaireachta na locha ag an chumann agus is féidir ceadúnas a fháil ó na baill, chomh maith le bád a fháil ar cíos.
Tá sé mar sprioc ag coiste an chumainn na héisc agus an timpeallacht a chaomhnú.
Níl cead agat aon bhreac a mharú agus caithfear iad a chur ar ais sa loch arís - deir an coiste go bhfuil sé riachtanach amhlaidh a dhéanamh chun an stoc éisc a chaomhnú.
Chomh maith leis sin cuireann siad béim ar na crainn agus an nádúr thart ar an loch.
D'éirigh leis an chumann deontas a fháil ar na mallaibh chun bád úr a cheannach atá oiriúnach do chathaoireacha rothaí.
Thug muid cuairt ar iascairí Loch an Iúir agus iad ag ullmhú le haghaidh an chomórtais is mó atá acu sa bhliain.