Cuireadh tús an tseachtain seo le Campa Samhraidh Ceoil na Crannóige i nGaoth Dobhair a thabharfaidh deis do pháistí triail a bhaint as uirlisí ceoil difriúla mar aon le spórt agus spraoi a bheith acu lena chéile.
Maireann an campa ceithre seachtaine agus is iar-dhaltaí de chuid na Crannóige iad an fhoireann ar fad atá taobh thiar de, mar sin is eiseamláirí den scoth iad do na ceoltóirí óga.
Bhí orthu rudaí a reáchtáil ar dhóigh giota beag éagsúil i mbliana mar gheall ar chúrsaí Covid-19 mar nach bhfuil cead ach ag 15 dhuine a bheith in aon ghrúpa amháin faoi láthair ach níl sin ag cur stop leis na páistí iontacha seo. Maith iad!
Is féidir tuilleadh eolais a fháil ar crannog.ie