#techweek atá ann in Éirinn an tseachtain seo agus, mar sin de, labhair Meon Eile le Andy Caomhánach, feidhmeanach ríomhaireachta in Acadamh na hOllscolaíochta, Gaoth Dobhair faoin teicneolaíocht agus an Ghaeilge.
Ceiliúradh ar an teicneolaíocht atá i gceist le #techweek, bíonn idir dhaltaí scoile agus mhic léinn páirteach in imeachtaí fud fad na tíre a tharraingíonn aird ar bhuntaistí na teicneolaíochta.
D'inis Andy dúinn faoin fhorbairt shuntasach atá tagtha ar chúrsaí teicneolaíochta ó thaobh na Gaeilge de le cúpla bliain anuas agus an dóigh a gcuireann sin go mór le cumas daoine óga a bheith ag foghlaim teanga go nádúrtha.