Labhair Máirtín Mac Gabhann le Meon Eile faoin chinneadh a thóg sé fanacht sa bhaile lena pháirtí Seph agus a mhac, Dáithí, chun an gasúr óg a chosaint ar COVID-19.
Chinn siad dul faoi dhianghlasáil mar is duine leochaileach é Dáithí. Tá galar croí air agus, mar sin de, tá sé thar a bheith tábhachtach dóibh fanacht sa teach.
Tugann Máirtín léiriú dúinn ar ghnáthhlá faoi dhianghlasáil agus na híobairtí atá á ndéanamh acu agus iad i mbun féin-leithlisithe. Gabhann sé buíochas leis an phobal atá ag cuidiú go mór leis an teaghlach maidir le cúrsaí leighis agus siopadóireachta.
Impíonn Máirtín ar dhaoine fanacht sa bhaile leis an víreas seo a shárú.