Seoladh Fleadh Feirste 2024 i gCultúrlann McAdam Ó Fiaich Dé hAoine seo caite.
Is féile bhliantúil í Fleadh Feirste a thiteann amach ag deireadh mhí na Samhna agus tús mhí na Nollag. Thug an seoladh blaiseadh de na himeachtaí éagsúla atá mar chuid de chlár na féile i mbliana. Ina measc tá seó na Nollag, Saintí sa Bhaile, léiriú an scannáin Kneecap, lá teaghlaigh le Daidí na Nollag, agus seoladh cnuasaigh aistí darb ainm Faiteach — Aiteach, scríofa ag Dónall Mac Giolla Chóill.
Labhair Meon Eile le Sinéad Nic Colaim, comhordaitheoir Fhleadh Feirste, agus le Dónall Mac Giolla Chóill chomh maith.