Ar an 2 Márta beidh vóta le caitheamh ag muintir an Tuaiscirt agus Comhthionól úr le piocadh do Stormont. Scannal na scéime fuinnimh in-athnuaite agus easpa cearta Gaeilge cuid de chúiseanna le titim Stormont nuair a dhiúltaigh Martin McGuinness comharba a cheapadh tar éis dó éirí as mar LeasChéad-Aire i mí Eanáir.
An athróidh cúrsaí polaitíochta ó thuaidh tar éis an toghcháin seo? An bhfuil daoine dubh dóite den chíor thuathail pholaitiúil sa tír seo? Labhair Meon Eile le Somhairle Mag Uidhir agus le Bríd Ó Gallchóir chun a gcuid tuairimí a fháil ar thodhchaí polaitíochta an Tuaiscirt.