Is i Ráth an Uisce i gCo. Laoise atá an Comórtas Náisiúnta Treabhadóireachta ar siúl i mbliana.
Thosaigh an comórtas an chéad lá ariamh sa bhliain 1931 nuair a d’éirigh argóint idir beirt fheirmeoirí faoi cé hiad na treabhadóirí is fearr a bhí sa tír ag an am.
Bhí costas thart ar €9 chun an comórtas a reachtáil san am, sin i gcomparaáid le costas €4 milliún sa lá atá inniu ann.
Tá lucht eagraithe an chomórtais ag dúil go mbeidh thart ar 280,000 duine ag freastal i mbliana mar a bhí anuraidh.
Tá blaiseadh d’achan ghné de shaol na tuaithe le fáil ag an chomórtas: taispeántais, treallamh agus ainmhithe agus neart bia agus dí den scoth.
Tá 1,500 seastán ann i mbliana agus dóchas acu go mbeidh an gnó chomh maith céanna is a bhí sé anuraidh agus €36.5 milliún caite thar na trí lá.
Ba é an tUachtarán Michéal Ó hUiginn a d’oscail an comórtas go hoifigúil Dé Céadaoin.
Labhair Meon Eile leis agus le go leor eile faoi thraidsiún an chomórtais agus faoin imní atá ar fheirmeoirí…