Ar an Domhnach beag seo rachaidh foireann peile Mhaigh Eo ag imirt in éadan fhoireann peile Átha Cliath i gCluiche Ceannais na hÉireann.
Ach cé acu an mbeidh Corn Sam Mhig Uidhir abhaile leo i mbliana?
Tá go leor ann a deir gur imríodh an cluiche ceannais cúpla seachtain ó shin idir BÁC agus Ciarraí, ach an bhfuil neart fhoireann Mhaigh Eo feicithe againn go dtí seo sa chraobh?
Cad é mar a bheidh an cluiche ar an Domhnach?
Cé hiad na himreoirí a dhéanfaidh dochar ar an lá?
An í seo bliain Mhaigh Eo? Agus cad faoin phisreog sin atá ag crá an chontae?
Le léamh níos fearr a fháil ar an scéal labhair muid leis na hiar-imreoirí Jarlath Burns agus John Joe Ó Dochartaigh.
Seo a bhí á rá acu…
Tá go leor cainte i mbliana faoin chuma atá ar chraobh na peile, ar an stíl chosanta atá ag glacadh seilbhe ar na cluichí, na rialacha úra agus an carta dubh ach go háirithe.
Beidh alt le Damien Ó Dónaill faoin bhealach is fearr chun tabhairt faoi na fadhbanna seo ar an Luan, agus beidh anailís á déanamh aige ar an Chluiche Ceannais féin… ná caill é!